L'HUCA atenderá a dos menores palestinos mancaos en Gaza

España acoyerá a 15 menores palestinos mancaos

L’Hospital Universitariu Central d’Asturies, l’HUCA, tratará a dos neños palestinos con problemes graves de salú. Formen parte del grupu de 15 menores que van llegar mañana a Madrid pa ser atendíos en distintos centros sanitarios españoles.

Llegarán a Madrid nun avión medicalizáu del exércitu acompañaos de 27 familiares directos pa ser atendíos en dellos hospitales españoles, dos d’ellos nel HUCA. El restu sedrán trataos n’Euskadi, Navarra, Castiella La Mancha y l’hospital militar Gómez Ulla de Madrid.

Según el Ministeriu de Sanidá, hai 13 menores con distintes mancadures traumatolóxiques, una paciente oncolóxica y otra con una enfermedá crónica cardiaca.

Ye la primer evacuación médica d’habitantes de Gaza d’un gobiernu européu y respuende al compromisu que s’algamó con la Organización Mundial de la Salú.

L’equipu de sanitarios españoles yá ta n’El Cairu pa evaluar a los pacientes evacuaos a la capital exipcia.

La ONG Accem y el Ministeriu d’Inxerimientu encargaránse d’acoyer y acompañar a les families.