L'HUCA fai una operación pa tratar la enfermedá d'Huntington

En castellano: Operación pionera en el HUCA para tratar la enfermedad de Huntington

Ye la primer ciruxía fecha n'Asturies p'abordar esta enfermedá xenética y neurodexenerativa

Dempués de 10 años d'enfermedá, p'Ana Aguilera poder comer o vistise sola, o caminar -con ayuda-, son agora grandes celebraciones.

Ana ye una de los más de 70 pacientes que traten nel HUCA y la candidata que más se podría beneficiar d'esta operación. Fízola'l neurociruxanu Javier Sol, n'abril, y na que Santiago Fernández Menéndez, neurólogu y coordinador de la Unidá d'Huntington del HUCA tamién tuvo la so participación.

A Ana allugáron-y dos microelectrodos nuna zona mui específica del celebru conectaos a un neuroestimulador, una especie de marcador. Meyoraron los síntomes motores y, con ello, l'estáu anímicu; tamién, dicen, l'estigma, como cunten Oliver Zapico, home d'Ana, y Juan Álvarez Carriles, neuropsicólogu clínicu del HUCA.

Agora, los espertos tán a la espera de confirmar que nun hebo nengún empeoramientu cognitivu- de concentración o memoria- que tamién sufren estos pacientes. Esplícalo Marta Blázquez, xefa de sección d'Enfermedaes Neurodexeneratives del HUCA.

Ente revisión y revisión, Ana, qu'acaba de tornar de Benidorm, yá prepara pa febreru'l so siguiente viaxe.

Comparte