L'abandonu de los montes y el cambéu climáticu, causantes de los grandes incendios

El doctor n'Inxeniería Forestal Víctor Resco apuesta por centrar los esfuerzos na prevención

España sufre la peor fola d’incendios dende qu’hai rexistros. Nos siete meses y mediu que llevamos de 2022, calcináronse 193.000 hectárees.

Asturies nun se llibra de la fola d’incendios d’esti entamu de branu a pesar de la so menor magnitú. Pal doctor n’Inxeniería Forestal, Víctor Resco, ye una anomalía que sedrá la norma dende agora y que tamién afectará a Asturies.

Pa Resco, el principal problema ye l’abandonu de los montes al que s’amiesten los efectos del cambéu climáticu.

Resco considera que la causa de la ignición nun ye importante y que los más de los incendios acaben porque yá nun hai nada más que quemar o porque llueve.

Apuesta en centrar los esfuerzos na prevención y n’aprovechar la oportunidá que da la transición enerxética.