L'antigua fábrica testil de L'Algodonera de Xixón abre les sos puertes hasta'l 31 de mayu

Una esposición nel so interior recupera la memoria industrial del barriu de La Calzada

L'antigua fábrica testil de L'Algodonera nel barriu de La Calzada de Xixón va poder visitase dende güei hasta'l 31 de mayu. La esposición quier recuperar la memoria industrial del barriu y amosar al públicu unu de los referentes testiles y industriales de la dómina.

Foi en 1899 cuando un grupu d'empresarios catalanes punxeron en marcha esta fábrica testil. Gracies a esta esposición podemos facer un repasu pelos sos principales finxos hasta'l so zarru en 1967. Per esta factoría pasaron personalidaes como Alfonso XIII o Carmen Polo y foi tamién cárcel na Guerra Civil. La muyer tuvo un papel trescendental na hestoria de L'Algodonera. La mayoría desempeñaron el so llabor nos telares. Ye'l casu d'Olvido Fanjul, la única muyer de La Calzada víctima de los campos de concentración nazi.

"Qué bones y nidies son les sábanes de L'Algodonera de Xixón" foi un eslogan, nesti casi traducíu al asturianu, mui popular nel Xixón de la dómina. Equí axúntase parte d'esa publicidá. Tamién documentos y amueses testiles de la fábrica. L'oxetivu ye recuperar la memoria industrial que marcó la vida de tantos vecinos del barriu.

Material audiovisual combináu col testimoniu de delles de les muyeres que trabayaron en L'Algodonera, formen parte d'esta curiosa esposición.