L'antiguu Teatru Carmen de Lluanco tendrá una segunda vida

L'inmueble sedrá remocicáu p'albergar un auditoriu con 260 butaques

L’antiguu Teatru Carmen de Lluanco tendrá una segunda vida. Inauguráu en 1954 funcionó como tal hasta finales de la década de los 70. Dende entós acoyó dellos comercios nos sos baxos, anque lleva dellos años en desusu. Va un añu l’Ayuntamientu de Gozón mercólu pa recuperalu como centru cultural.

L’inmueble cuenta con 572 metros cuadraos que sedrán remocicaos p’albergar un auditoriu con 260 butaques.

La propuesta ganadora nel concursu convocáu pol consistoriu contempla caltener la fachada del antiguu cine y treslladar la entrada principal a l’Avenida d’El Gayo.

El proyectu definitivu ta en fase de redacción. L’Ayuntamientu de Gozón piensa que los trabayos podríen tener un costu de 2 millones y mediu d’euros, de los qu’una parte podríen ser apurríos por fondos europeos.