L'institutu Bernaldo de Quirós de Mieres, quintu nel concursu nacional 'Odisea'
![Tres alumnos del IES Bernaldo Quirós de Mieres](https://www.rtpa.es/fotos//19/03/20190308142229_20190308vtralumnos.jpg)
El certame ta empobináu a la conocencia del mundu clásicu
L'IES Bernaldo de Quirós llogra un quintu puestu a nivel nacional nel concursu 'Odisea' de conocencia del mundu clásicu, empobináu nesta edición a la conocencia de la ciencia y la tecnoloxía en Grecia y Roma.
Sophie, Saul y Adrián, tres alumnos de 2º de Bachilleratu, son los responsables d'esti ésitu, yá que supieron iguar cuasi toles entrugues y facelo con unos bonos tiempos, porque tamién se tien en cuenta'l cronómetru.
Presentáronse col so equipu Urania compitiendo con centros educativos de toa España. Namás en Cataluña, 2.000 alumnos aceptaron el retu.
La primer lletra de la solución a les 11 pistes que teníen qu'iguar llevábalos a la respuesta final conocida como'l preguntón. Namás fallaron dos cuestiones. De premiu, lleven 150 euros.
Ésti ye'l segundu añu qu'Asturies participa na iniciativa pa inculcar les Humanidaes.