La Banda de Gaites de Corvera lleva la cultura celta per tol mundu
![La Banda de Gaitas de Corvera lleva la cultura celta por todo el mundo](https://www.rtpa.es/fotos//23/10/20231026131018_RTPA4150698.jpg)
Bras Rodrigo quier sopelexar la cultura celta al traviés d'un muséu que va abrir en Corvera
Fai 25 años que Corvera tien Banda de Gaites. Una agrupación que llevó la so música a llugares como Nueva York, Boston o Corea. Cúntalo Bras Rodrigo, unu de los sos gaiteros.
La Banda, al traviés de la Fundación Gaita asturiana, va ser la encargada de xestionar el futuru Muséu Internacional de los Pueblos Celtes. Un equipamientu que se va allugar nes antigües escueles de Villa. Y nel que vamos deprender, por exempu, cuál foi'l primeru d'esos ocho países celtes: los asturianos fuimos un pueblu celta, l'orixinariu, como se demostró al traviés d'un análisis d'ADN.
Ye la so pasión pola cultura celta lo que llevó a Bras Rodrigo a entamar el primer desfile de San Patriciu de Madrid, con más de 300 gaiteros peles cais de la capital. Tan bien lo fixeron qu'en setiembre recoyeron el premiu al meyor eventu cultural d'España. Pa repitir y siguir llevando la cultura y el son celta a tolos requexos del mundu.