La FSA respeta les condenes del casu Renedo y recuerda que coinciden colo que pidía’l Gobiernu del Principáu

Podemos reclama a Barbón que pida l’ingresu en prisión darréu de tolos condenaos

La Federación Socialista Asturiana respeta les condenes del casu Renedo y recuerda que coinciden colo que pidía’l Gobiernu del Principáu.

Per parte de so, Podemos reclama al presidente del Principáu, Adrián Barbón, que pida l’ingresu en prisión darréu de tolos condenaos.

La formación morada considera que la sentencia avaló les tesis que caltuvo dende un primer momentu: que la corrupción nos executivos socialistes foi sistémica.

Podemos insistió siempre na idea de que los fenómenos de corrupción agora sentenciaos pol Supremu nun respondíen a l’actuación de mazanes podríes, sinón que fueron nun marcu políticu que dexaba la corrupción cuando nun la estimulaba.

Podemos nun entra a valorar si les penes de prisión deberíen ser de más o menos años. Considera que lo importante ye que la xusticia afita la existencia de corrupción, qu’esta foi facilitada por decisiones polítiques y que provocó una impotante quiebra nes arques públiques.

Amás, denuncia que, si la sentencia nun llegó enantes, ye porque’l Gobiernu nun punxo los medios pa qu’investigación y instrucción fueren más áxiles.