La Feria de Muestres d'A Veiga, un referente dende 1964

Ye'l mayor eventu comercial y lúdicu de la contorna noroccidental

La Feria de Muestres d'A Veiga que conocemos güei nun ye más que la evolución de feries pasaes, principalmente ganaderes. A finales de 1800 había delles caballares n'aldegues de la zona. Hai historiadores qu'aseguren que los tratantes empezaron a sacar el so ganáu a les cais de la villa allá per 1910, anque la feria de muestres como tal nun nacería hasta 1964.

Concretamente'l 15 de mayu, a les 12:00 de la mañana inauguraba la primer Silvallana. Yera na cai, albentestae y dende un principiu convirtióse nun referente.

Añu tres d'añu foi convirtiéndose nun verdaderu actu social, nuna cita ineludible nel conceyu d'A Veiga.

Güei, cuasi 56 años dempués, la feria ye'l mayor referente comercial y lúdicu de la contorna noroccidental. Miles de persones visiten y esfruten de los sos espositores y de les actividaes programaes.

La vaca Silvallana ye l'emblema d'una feria que lleva tiempu mirando al futuru, buscando nuevos elementos que la estremen y que faigan posible que'l públicu nun dexe de dir. Nun ye fácil, según esplica Dora Álvarez, responsable Feria de Muestres d'A Veiga, porque les compres yá nun se faen como antes y ye necesario que la feria tenga otru enfoque.

L'ociu y otres munches variables que faen de la feria de mustres d'A Veiga unu de los eventos más camaleónicos de la rexón.