La Fiscalía defende les llendes y pide drones escontra los incendiarios

Considera que los más de los incendios n’Asturies tán venceyaos cola rexeneración de pastos

La Fiscalía cuestiona la eliminación de les llendes, pa la xeneración de pastos, qu’aprobó la Xunta Xeneral del Principáu.

Considera qu’eses llendes taben contribuyendo de mou afayadizu a la mengua de los incendios provocaos.

Asina lo recueye na so memoria añal, onde alerta un añu más de que tán baxando los informes nos que se busquen pistes de los posibles autores. Y reclama la utilización de drones p’atopar a los incendiarios.

La Fiscalía d’Asturies considera que los más de los incendios qu’hai n’Asturias tán venceyaos coles xeres de rexeneración de pastos y poro, considera cuestionable’l cambéu llegal, aprobáu na Xunta (col sofitu de tolos grupos, menos Podemos), que dexó eliminar les llendes al pastoréu.

Una figura de protección qu’enantes se daba al suelu quemáu y que pa la Fiscalía taba contribuyendo de mou afayadizu a la mengua de los incendios provocaos.

Na so memoria añal, alerta, amás, de que los informes que tán llegando sobre los incendios céntrense más en saber la causa del fueu qu’en saber quiénes fueron los presuntos responsables.