La Fiscalía pide 10 años de cárcel pa los acusaos pol presuntu fraude n’UXT

Afita tamién multes penriba del millón d’euros pa los tres principales imputaos

La Fiscalía pide 10 años de prisión pal ex-secretariu xeneral d’UXT, Justo Rodríguez Braga, pol presuntu fraude nos cursos de formación.

La mesma pena pide pa la ex-secretaria d’Alministración d’UXT d’Asturies y pal secretariu de Formación.

Pa los otros tres acusaos, la Fiscalía pide penes que van ente los cuatro y los seis años de cárcel. Amás, afita multes penriba del millón d’euros pa los tres principales acusaos.