La Fiscalía pide xuiciu con xuráu pal presuntu autor de la muerte de Carragal

Pide'l sobreseimientu provisional de la imputación escontra los otros dos investigaos

La Fiscalía pidió que l'investigáu como presuntu autor de la muerte del profesor David Carragal en xunu de 2019 seya xulgáu por un tribunal del xuráu por pega-y “una patada inesperada y brutal”, anque sostién que foi la cayida al suelu lo que-y provocó la muerte, al empar que refuga qu'otros dos investigaos participaren nuna "agresión conxunta".

Esti llunes celebróse una comparecencia énte la xuez d'Instrucción númberu 4 d'Uviéu, n'aplicación del artículu 25 de la Llei del Tribunal del Xuráu, onde se treslladó los fechos que se-y imputen al presuntu autor material de la muerte de Carragal, que tenía 33 años, nes fiestes del barriu uvieín de La Florida.

Nesta vista, celebrada a puerta zarrada, la Fiscalía pidió'l sobreseimientu provisional de la imputación escontra los otros dos investigaos por un delitu d'omisión del deber de socorru.