La Mancomunidá Turística d'Avilés anova cuasi dos kilómetros de la sienda costa norte en Castrillón

Una ruta con bandera azul qu'estrena nuevu firme y equipamientu

La sienda costa Norte ente Santa María del Mar y Bahínas en Castrillón ta como nueva. La Mancomunidá Turística d’Avilés anovó esti tramu que taba mui bacheáu señalen Luis García, usuariu de la ruta, y Marian Carbajal, vicepresidenta de la Mancomunidá Turística d’Avilés.

En total meyoráronse cuasi 2 kilómetros d’esta sienda en dos tramos d’esta ruta nos que lo más importante foi asegurar el firme, pa que seya una ruta segura pa tolos públicos apunta Juana Alemán, usuaria de la ruta.

Colocáronse tamién nuevos bancos y papeleres nesti tramu. En total invirtiéronse cerca de 150.000 euros nuna sienda que cunta col distintivu de bandera azul.