La Pola (Siero), centru de la diversión dominical de finales del sieglu pasáu

Seis edificios del cascu históricu van ser rehabilitaos como apartamentos turísticos

Seis edificios del cascu históricu de La Pola (Siero) van ser rehabilitaos como apartamentos turísticos. Tán allugaos na zona de la movida polesa de finales del sieglu pasáu.

Nun paséu pel cascu antiguu de La Pola (Siero) llama enforma l'atención los cartelos d'inmobiliaries asitiaos nos locales que reinaron na movida xuvenil asturiana de finales del sieglu pasáu y principios d'esti.

César Loredo, ex-propietariu del pub 'Abre César' en La Pola (Siero), esplica que foi dempués de los Xuegos Olímpicos de Barcelona cuando se pondría poner fecha al entamu de la movida polesa.

Más de 50 discobares na dómina de máxima rellumanza convirtieron a La Pola nel centru de la diversión dominical, recuerda tamién Juan Carlos Hevia, periodista y vecín de La Pola.

L'euru, los controles d'alcoholémia y les crisis acabaron con aquel fenómenu y con aquellos chigres.

Agora esos vieyos locales, en venta, esperen un futuru. Va unos díes el conceyu de Siero dio'l permisu pa que seis d'esos edificios seyan rehabilitaos y convertíos n'apartamentos turísticos. Otru tipu d'ociu. Otros tiempos.