La Rede de Centros d'Innovación Territorial echa a andar en Somiedu
![La Red de Centros de Innovación Territorial echa a andar en Somiedo](https://www.rtpa.es/fotos//23/02/20230209141439_RTPA3111047.jpg)
La "inacción" de Barbón vese nel so fracasu col retu demográficu, afirma Cristina Vega
La Rede de Centros d'Innovación Territorial echa a andar en La Pola (Somiedu). Failo con unes xornaes técniques impulsaes pola Secretaría Xeneral pal Retu Demográficu. Asturies súmase a esta rede xunto con Andalucía, Aragón, Cataluña o Estremadura. Failo con un conveniu colos centros d'innovación territorial y con un proyectu de bioeconomía, presupuestáu en 1,5 millones d'euros.
L'oxetivu d'estes xornaes: intercambiar esperiencies pa frenar la sangría demográfica nos pueblos. En Teruel yá punxeron en marcha los sos primeros proyectos.
Les xornaes van acabar esti vienres cola puesta de mancomún de les conclusiones.
La "inacción" de Barbón vese nel so fracasu col retu demográficu, afirma Cristina Vega
La diputada rexonal del PP Cristina Vega afirmó esti xueves que la "inacción" del Gobiernu que preside Adrián Barbón vese nel" fracasu" y "nos malos resultaos" que supunxeron les polítiques sobre'l retu demográficu puestes en práctica pol Executivu del Principáu nesta llexislatura p'atayar la perda de población.
"L'Executivu de Barbón va pasar a la hestoria como'l Gobiernu nel qu'Asturies baxó del millón d'habitantes", sorrayó Vega nuna rueda de prensa na qu'aseguró que les promeses del presidente asturianu básase "en midíes de llargu algame que nun se puen cuantificar".