La Sienda Verde del Agua ye unu de los atractivos turísticos de Corvera
![Senda Verde del Agua en Corvera](https://www.rtpa.es/fotos//20/08/20200822135007_20200822vtrsenda.jpg)
Quier conectase esta ruta cola Sienda d’El Escañoriu
Yera marzu del 65 cuando s’inauguraba la Sienda Verde del Agua de Corvera. Un camín que va a la vera de la canal qu’abastez al embalse de Tresona y que xune’l pueblu de Molleda con Sotu’l Barcu.
Güei, más de mediu sieglu dempués, ye, ensin dulda, unu de los mayores atractivos turísticos de conceyos como’l de Corvera que, un añu más, volvió a da-y un llaváu de cara a los más de siete kilómetros de tramu que pasen pel so conceyu.
Unes meyores nes que s’invirtieron unos 10.000 euros y que son claves pa siguir atrayendo al gran númberu de visitantes que cada añu percuerren esta sienda.
A pie, en bicicleta o inclusive a caballu, nel horizonte ta’l suañu de conectar esti tramu con otra de les grandes perles de esti conceyu, la sienda d’El Escañoriu.
Sedría’l broche d’esta sienda que ye una de les 10 maraviyes rurales d’España.