La cárcel d’Asturies abre una investigación pola griesca protagonizada por Cristian Sandulache

Llucha escontra la droga na cárcel asturiana

Instituciones Penitenciaries abrió una investigación interna pa depurar responsabilidaes dempués de la griesca protagonizada por Cristian Sandulache nos llocutorios de la cárcel. Xunto con otru internu, pegó a Marian Meauca, condenáu con él nel xuiciu por trata de seres humanos.

Dase la circunstancia de qu’estos internos nun podíen coincidir en nengún sitiu. Ta investigándose, ente otres cuestiones, si fallaron los protocolos de seguridá.

Llucha escontra la droga na cárcel d’Asturies

La cárcel d’Asturies creó un grupu específicu de funcionarios, con una preparación especializada, pa lluchar escontra la entrada de droga na prisión. Tán en coordinación coles fuerces de seguridá del Estáu y analicen la vida de los internos nel establecimientu, pa poder prevenir situaciones de riesgu.

El 100% de la droga qu’entra na cárcel ye al traviés de les comunicaciones colos familiares, y dempués de los permisos. Les incautaciones, van dende h.axís y heroína, hasta cocaína y psicotrópicos. Dende la dirección recuerden qu’hai abondos programes de tratamientu en marcha pa los 1.200 reclusos que tien la prisión asturiana.

El 75% de los 1.200 presos que tien la cárcel d’Asturies, ingresó por delitos que cinquen cola violencia de xéneru, la seguridá vial o por delitos escontra la propiedá.