La carne de l’asturiana de los valles, lo meyor d’Europa

Estudios conseñen la tenrura, xugosidá y valir nutritivu de la carne

La carne de l’asturiana de los valles ye lo de más calidá d’Europa. Dícenlo los productores y afítalo un estudiu cofinanciáu pola Comisión Europea nel que s’analicen les 15 meyores races europees de carne.

L’asturiana de los valles algama la puntuación más alta xunto a la piamontesa italiana. Otra raza autóctona, l’asturiana de la montaña, queda en quinta posición y mui per embaxo tán otres como la valorada Aberdeen Angus, que se pue consumir en dalgunos restauranes d’Asturies.

Esti y otros estudios asoleyaos nes principales revistes científiques del sector de la carne ponen de manifiestu la tenrura, xugosidá y valor nutritivu de la carne asturiano. Too ello afitao en llaboratoriu.

Estos estudios son un sofitu pa l’Asociación Española de criadores de ganáu vacuno selecto de la raza Asturiana de los Valles. Nel centru de testaxe que tienen en Llanera trabayen pa meyorar entá más la raza.