La contaminación baxa un 58% en Xixón y un 41% n'Uviéu dende'l 14 de marzu

Afítase una meyora "ensin precedentes" de la calidá del aire nes principales ciudaes españoles

La contaminación atmosférica por NO2 (dióxidu de nitróxenu) menguó un 58% en Xixón y un 41% n'Uviéu nel periodu ente'l 14 de marzu, fecha na que se decretó l'estáu d'alarma pol coronavirus, y el 30 d'abril, según un informe asoleyáu esti llunes por Ecoloxistes n'Acción.

La organización conservacionista afitó una meyora "ensin precedentes" de la calidá del aire nes principales ciudaes españoles, que cifra nuna media del 58%.