La defensa de Benatia nun refuga pidir anular toles dilixencies del casu Ardines

La declaración de Jesús Muguruza foi anulada pol TCXA ​

La defensa de Djilali Benatia, unu de los presuntos sicarios del Casu Ardines, considera que se deberíen anular toles dilixencies que se ficieron por cuenta de la declaración de Jesús Muguruza.

Esa declaración, recordamos, acaba de ser anulada pol TCXA al considerar que se frayó'l derechu a la defensa del presuntu intermediariu.

El lletráu Adrián Fernández sostién qu'a Benatia alcontráronlu porque Muguruza lu acusó. Y sorraya que la nulidá d'una declaración tien efectos sobro'l restu del material practicao neses dilixencies.

Por ello nun refuga, cuando llegue'l momentu, pidir la nulidá d'eses actuaciones énte'l Supremu.