La dentista Mónica Cachero recuerda que la prevención ye básica en salú bucodental

Asturies, la comunidá española con un mayor númberu de dentistes por habitante

Mónica Cachero quería dende los tres años ser dentista. Y esta avilesina algamó facer realidá’l so suañu. Con namás 27 años abrió la so propia clínica dental nel barriu d’El Carbayedo d’Avilés.

Equí atiende caldía a los sos pacientes dende va 18 años. Asegura que’l so oxetivu ye que la xente pierda’l mieu a los dentistes.

Esta avilesina de 45 años fizo de la so pasión la so profesión. Y recuerda que na salú bucodental ye meyor prevenir que curar.

La de Mónica ye una de les cerca de 1.000 clíniques dentales qu’hai n’Asturies. Y ye que’l Principáu ye la comunidá d’España con un mayor númberu de dentistes por habitante. Cunta con ún, como’l de Mónica, por cada 1.200 habitantes.