La empresa del 'casu Koldo' ufiertó mázcaros al Principáu, que nun fixo nenguna compra

Saavedra diz sobro los mázcaros que s'intentó "trabayar con empreses conocíes y que yeren cercanes"

La empresa del casu Koldo púnxose en contactu col Gobiernu del Principáu pa vende-y mázcaros, pero nun fizo "nenguna compra", según aseguró esti vienres la conseyera de Salú, Concepción Saavedra.

"Cónstame que sí, que se punxeron en contactu y que nós nun fiximos nenguna compra", señaló a entrugues de los periodistes na rueda de prensa posterior a la xunta del Conseyu de Gobiernu,

Saavedra comentó que, nesi momentu, el Gobiernu asturianu cuntaba con un espediente de contratación d'emerxencia con "un númberu importante de mázcaros" y decidió que "nun yera'l momentu de mercalos per otra vía".