La empresa promotora de los tres parques de bateríes de Piloña abandona los proyectos

Los vecinos van siguir coles movilizaciones pa evitar estos equipamientos na zona rural

La empresa promotora de los tres parques de bateríes en Piloña dio marcha atrás nes sos solicitús y abandona los proyectos. La so decisión foi tramitada per rexistru dempués de conocese que'l Principáu va espublizar en nada una normativa na que s'establecen les distancies mínimes que tendrán de tener estes instalaciones: un kilómetru de separtación coles viviendes y 500 metros de cara a ganaderíes y mases forestales.

Los vecinos de Ques tán contentos con esa noticia pero tán cautelosos porque creen qu'esto nun ye'l final. Aseguren que se trata d'una posa hasta conocer les normes y que depués retomaráse.

Tamién afirmen que van siguir coles movilizaciones pa evitar que salgan alantre los parques de bateríes na zona rural.