La empresa que fai les reparaciones del telesiella en Valgrande-Payares entama les sos xeres

Acabada esta fase de trabayu pue abrise parcialmente la estación

Operarios revisen el remonte d’El Brañillín dende les 9:00. Per delantre tendrán tres díes de trabayu colos que s’acabaría la primer fase de la xera. Llegáu a esi puntu podría abrise parte de la estación anque esti remonte y les pistes qu’ocupen nun taríen disponibles hasta la ponte viniente.

Dende Valgrande-Payares asegúrase que’l retrasu nestos trabayos ye pola llei de contratación del sector públicu.

Esti retrasu xúnese a otros como’l del añu pasáu na merca de ropa de ñeve pal personal de la estación.

Ente los trabayadores de la mesma, hai un enfadu evidente por un nuevu contratiempu que tamién amenaza a hosteleros de la zona.

Quier siguise cola revisión nel día de güei y la tarde de mañana espérase poder dar anuncia d’una posible fecha d’apertura.