La familia de David Carragal, agradecida pol fallu del xuráu

L'acusáu enfréntase a una pena d'hasta 15 años de prisión

La familia de David Carragal siéntese agradecida a la xusticia pol fallu del xuráu popular que considera culpable d'homiciu dolosu al acusáu de pega-y a Carragal una patada na cabeza provocándo-y la muerte. Un fallu que llegó esta madrugada tres nueve hores de deliberación. L'acusáu enfréntase a una pena d'hasta 15 años de prisión.

L'abogáu de l'acusación particular sorraya qu'esti fallu foi de forma unánime, ensin almitir los atenuantes nin de confesión nin d'arreglu del dañu. Lo único que nun ve ye l'agravante de "alevosía".

El xuráu considera a los otros dos amigos del acusáu y presentes la nueche del 11 de xunu de 2019, culpables d'un delitu d'omisión de socorru, con multes d'hasta 7.200 euros.

La familia siéntese agradecida por esti fallu.

La defensa, que pidía primeramente l'absolución al negar los fechos, modificó les sos conclusiones p'almitir un delitu d'homicidiu por imprudencia grave.