La fotografía como vía d'escape

José Luis Llano recibe'l premiu 'Gráficas Lar de Viveiro' pol so trabayu con primeros planos d'insectos

José Luis Llano, bualés de nacencia pero con residencia en Navia dende fai más de 20 años, afayó la so gran pasión de mui mozu pero foi fai 14 años cuando empezó a afondar nel que güei ye'l so mayor hobby, la fotografía.

José Luis ye un autodidacta, la so formación fotográfica llegó-y de revistes y llibros especializaos, daqué que nun foi torga p'algamar el primer premiu del concursu fotográficu de 'Gráficas Lar de Viveiro', pol so trabayu con primeros planos d'insectos.

La fotografía ye la vía d'escape de José Luis, la so forma de relaxase, de desconectar del día ente día.

Agora tien yá nuevu retu, viaxar nunos díes a Noruega con un oxetivu claru, fotografiar aurores boreales. Un viaxe más cola cámara como fiel compañera.