La fuelga de Sacyr paraliza l'actividá del llavaderu d'El Batán

Denuncien l'acosu de la empresa, l'incumplimientu d'alcuerdos y la delda de nómines

El piquete marca la xornada: l'actividá nel Llavaderu Batán paralízase. Un paru convocáu polos 44 trabayadores de la subcontrata Sacyr col que denuncien l’acosu de la empresa.

Aseguren que nun se tán cumpliendo los alcuerdos na xestión de xornada, como camudar el rexistru de fichar con tarxeta con buelga ensin un alcuerdu previu. Nun facelo, dicen, ta derivando en sanciones. Amás, reclamen el pagu de nómines pendientes.

Dende Sacyr nieguen l'acosu y amuesen la so disposición a siguir negociando.

El paru en turnos de mañana y tarde va siguir esti miércoles. Amás tán previstos otros dos el 6 y 7 de setiembre. Los trabayadores nun refuguen endurecer el conflictu si nun cambia l'actitú.