La fuelga pa la fábrica de Saint-Gobain, según los sindicatos

Los güelguistes confíen en que la dirección de la empresa "entre en razón"

La segunda xornada de fuelga de 20 díes planteada escontra’l despidu de 42 trabayadores de la división de Sekurit, de la fábrica de Saint-Gobain d’Avilés, caltién esti llunes la producción parada dafechu, según el comité d’empresa, que destacó’l sofitu tamién de trabayadores de les empreses auxiliares.

El fornu del Glass, “el corazón de la fábrica”, namás ta produciendo calcín (vidriu reciclao), esplicaron los sindicatos, qu’aseguraron que “la xente ta mui animao y concienciao en qu’esto ye un problema de toos”, non sólo del departamentu de Sekurit, que fabrica llunes pa vehículos.

Los güelguistes confíen en que la dirección de la empresa “entre en razón”, retire l’espediente d’estinción d’empléu y mañana, martes, entame les negociaciones n’otru sen, porque los sindicatos entienden qu’hai alternatives.