La investigación de la Guardia Civil confirma que'l socesu mortal del Boombastic foi un accidente

La traxedia marcó'l zarru d'esti multitudinariu festival

Tres trés díes de festival la imaxe del Boombastic ye la montonera de mozos cargaos de tiendes de campaña, sacos de dormir y meses, tolo necesario pa sentise como en casa.

Per La Morgal pasaron 60.000 persones veníes de toes partes d'España, por eso munchos contaben que la vuelta a casa diba ser dura porque munchos vinieron a Asturies en coche.

Foi un festival nel qu'acompañó'l bon tiempu, sacante lo que socedió ayeri sobre les 18:00 cuando un fuerte bastiáu d'agua sorprendía a los asistentes. Munchos d'ellos tuvieron que quedar nes tiendes de campaña a la espera de que parara l'agua.

Sicasí, esti foi un festival marcáu pola tráxica noticia del fallecimientu del mozu madrilanu que sorprendía tamién a munchos campistes cuando taben na noria. Munchos comentaben que la noticia víase como un acontecimientu mui tráxicu en tol festival.

La investigación de la Guardia Civil confirma que'l socesu mortal del Boombastic foi un accidente

La investigación de la Guardia Civil confirma que'l socesu mortal nel Boombastic foi un accidente. Na so declaración los amigos del mozu muertu afiten que Carlos Majano, madrilanu de 25 años, recibió un fuerte golpe na cabeza al asomase pela cesta de la noria cuando taba en marcha. Tres facese l'autopsia, la familia del mozu yá pudo tornar a Madrid pa despidilu.