La marcha del aluminiu va salir mañana d'Avilés y va llegar a Madrid el llunes 24

Una llucha polos sos puestos de trabayu en 12 etapes

Los miembros del Comité d'Empresa d'Alcoa n'Avilés van entamar esti xueves lo que nomaron "La marcha pol aluminiu", una caminata a pie dende la fábrica hasta Madrid fecha a lo llargo de dolce etapes hasta'l 24 de xunu.

Una llucha escontra'l reló, yá que la fábrica d'aluminiu tien de plazu hasta'l próximu día 30 pa buscar una solución en forma d'inversor qu'evite'l zarru y el consecuente despidu de les plantiya.

Anque esisten dos inversores interesaos, el fondu alemán Quantum Capital Partners y el suizu Parter Capital, los representantes de los trabayadores amuésense desconfiaos, yá que nun conocen en fondura los proyectos de compra que presenten.

La marcha nun va ser mui numberosa, porque, de mano, namás va ser fecha polos integrantes del Comité d'Empresa, anque a lo llargo del itinerariu podrán sumase puntualmente otres persones.