La ocupación hotelera ronda'l 90% esti fin de selmana en Xixón

Los precios de los hoteles tán ente los 175 y los 450 euros

Agospiase en Xixón esti fin de selmana pue llegar a costar hasta 450 euros per nueche. La ocupación hotelera de la ciudá ronda'l 90%.

Eventos como la Fiesta del Cielu, el Xixón Life y el Tsunami fixeron que, esti fin de selmana, acutar a última hora nun seya una opción.

Anque munchos vienen al Tsunami, tamién hai turistes que decidieron conocer Xixón esti fin de selmana ensin intención d'asistir a nengún de los eventos que se celebren na ciudá.

Los precios tán ente los 175 y los 450 euros. Unes cifres que paez que van caltenese, porque munchos hoteles yá tán a más del 80% pal mes d'agostu.