La plantiya de Samsa, la empresa que s'ocupa de la llimpieza n'Arcelor Mittal, dirá a la fuelga indefinida dende mañana

La fuelga llega dempués del fracasu de la última xunta nel Sasec

23 persones hai de baxa na plantiya de Samsa, la empresa que s’ocupa del serviciu de llimpieza n’Arcelor. Pero, según los representantes de los trabayadores, la empresa namás acepta sustituyir a diez asegura Cristina Suárez, presidenta del comité d’empresa de Servicios Auxiliares de Mantenimientu (Samsa).

El comité d’empresa denuncia amás que Samsa niégase a autorizar les xubilaciones parciales del personal a nun ser que la plantiya acepte asumir la carga de trabayu estra. Esti añu, diz el comité, dos persones tendríen que xubilase yá y ser sustituyíes al traviés de contratos relevu.

La plantiya aprobó n’asamblea dir a la fuelga indefinida dempués de nun algamar un alcuerdu nel Sasec, onde’l vienres celebróse la última xunta. El paru dirá acompañáu de concentraciones nes instalaciones