La plantiya de Valgrande-Payares decide nun facer fuelga güei

Los remontes de la estación de Valgrande-Payares abrieron esta mañana a les 9:30, media hora más tarde que davezu.

Xusto al acabar l’asamblea na que la plantiya decidió nun facer fuelga y dir a los sos puestos de trabayu. 

Aseguren, sicasí, que siguen alantre coles sos reivindicaciones y dan un plazu a la conseyería pa que se cumplan los sos pidimientos.

La plantiya de Valgrande-Payares decidió nun parar güei, pero da 15 díes a la conseyería pa convocar una mesa de negociación y cumplimientu de los sos pidimientos: que se cubran les places vacantes, recibir la ropa de trabayu comprometida y intermediar pa solucionar discrepancies cola dirección.

Los esquiadores que decidieron xubir a la estacion l.lenense esfrutaron d’un día de sol, siete kilómetros esquiables y cuatro remontes con ñeve primavera.