La plantiya de Vesuvius vuelve al trabayu con inquietú y esmolición

Los trabayadores instalaron una carpa a les puertes de la factoría onde van coordinar la campaña de movilizaciones

La plantiya de Vesuvius vuelve al tayu tres la ponte festiva y con ánimu de defender los sos puestos de trabayu.

Hai inquietú y esmolición ente los trabayadores, pero güei siguieron cola actividá normal na planta de Riañu. Instalaron una carpa a les puertes de la factoría onde van coordinar la campaña de movilizaciones qu'idearon la selmana pasada.

Los trabayadores quieren garrar el sofitu de la ciudadanía pa la convocatoria de fuelga prevista'l próximu llunes 16 de setiembre.

Enantes, el xueves 12 la empresa va presentar formalmente l'ERE n'Uviéu. Esti mediudía los trabayadores de Vesuvius recibieron el sofitu de los pensionistes de la contorna del Nalón.