La ruta del maíz, un percorríu paisaxísticu que tamién dexa conocer elementos del pasáu

La señalización acaba de ser anovada, por eso ye prácticamente imposible perdese

La ruta del maíz empieza nel centru de Tapia. Ye un percorríu cenciellu, que pue faese nun par d'hores y aptu dafechu pa tola familia. La señalización acaba de ser anovada, por eso ye prácticamente imposible perdese.

Un trazáu que tien como protagonista al maíz. En temporada podemos velo en tola so rellumanza. Cuando yá ta cortao, como vamos ver d'equí p'alantre, l'atracción de la ruta sigue porque nos dexa visitar los esteriores de llugares como'l Palaciu de Cancio. Ellí gúardase l'arca orixinal na que llegó a España'l maíz per primer vegada gracies al morador d'esti palaciu, el marín Gonzalo Méndez de Cancio. Yera 1604 y la so llegada foi toa una revolución.

La ruta llévanos per pueblos como'l de Serantes. Déxanos esfrutar de fontes como la de La Encontrela, esfrutar d'una infinidá d'elementos etnográficos como horros o paneres, elementos que busquen impulsar dende la fundación Parque Históricu del Navia con un proyectu sobro la cultura del maíz.

Una sienda que crucia carreteres, caminos de tierra, siendes peatonales. Que pue faese, inclusive, en bici, a caballu y que tres siete kilómetros vuélvenos a Tapia. Cada añu recíbense más consultes sobre'l trazáu.

Una ruta paisaxística que tamién nos dexa conocer elementos del nuesu pasáu.