La selmana más complicada del branu pa la Guardia Civil

En castellano: La semana más complicada del verano para la Guardia Civil

La Comandancia de la Guardia Civil de Xixón considera fundamental la protección de la muyer

Encaramos la selmana con más celebraciones del añu, la del 15 d'agostu. Nel Principáu hai milenta eventos como los fueos de Xixón, les fiestes nel oriente asturianu o'l Descensu Folclóricu del Nalón.

Eso esixe un mayor esfuerzu de los cuerpos de seguridá. En TPA Noticies falamos col xefe d'operaciones de la Comandancia de la Guardia Civil de Xixón, el comandante Emilio González Medina, que diz que ye'l periodu de más trabayu pa los sos axentes.

Les sos prioridaes céntrense por casu n'atender a les muyeres pero piden tamién procuru nos Picos d'Europa. Nel monte nun fai falta que seya fiesta pa tener problemes nuna dómina de muncha xente. Dende la Guardia Civil de Xixón piden prudencia nel monte, tres un branu con dellos rescates nos Picos d'Europa, ente ellos el de dos grupos de scouts.

La dómina braniega ye la de más trabayu na comandancia de Xixón y los puntos más conflictivos repártense ente les zones turístiques, yá seya nel monte o na mariña, y les grandes aglomeraciones, pelos distintos festivales.

La población dóblase y ye nesta dómina onde más intervenciones se producen. Dende la comandancia, consideren fundamental la protección de la muyer.

Comparte