La viesca d'El Cordal de Pión, protagonista nel Día Internacional de les Viesques

Xornada de reflexón sobre l'usu y disfrute d'estes superficies

La Conseyería de Desendolcu Rural y Recursos Naturales quixo celebrar güei'l Día Internacional de les Viesques nuna d'elles, la d'El Cordal de Pión.

Nes cuasi 15.000 hectárees abonda l'ocalitu y, poro, l'aprovechamientu forestal a partir d'esta especie, que reporta añalmente unos beneficios d'unos 200.000 euros añales al Ayuntamientu de Villaviciosa.

Sicasí, aseguren dende'l Principáu, esti aprovechamientu madereru, que requier un complexu plan de xestión, nun ta reñíu col aprovechamientu del monte pa usos tradicionales o la esplotación turística de la fastera, que cunta con dos árees recreatives.