La xueza cita a declarar a la muyer del presuntu sicariu d'Ardines

L'home tamién foi citáu pa una segunda declaración xudicial el próximu 2 de xunu

La xueza de Llanes citó a declarar en calidá de testiga'l próximu 28 de mayu a la muyer del ciudadanu arxelín M.K. investigáu como unu de los dos presuntos autores de la muerte del conceyal d'IX en Llanes Javier Ardines, informó esti xueves el Tribunal Cimeru de Xusticia d'Asturies (TCXA).

La titular del Xulgáu de Llanes dio anuncia al traviés d'una providencia de la comparecencia xudicial pola que la muyer del presuntu sicariu M.K., tendrá que personase na sede xudicial el día 28 a les 10:00.

El so home, que ta anguaño ingresáu nel Centru Penitenciariu d'Asturies aislláu y en cuarentena nun periodu de 15 díes siguiendo'l protocolu pola crisis del coronavirus, tamién foi citáu pa una segunda declaración xudicial el próximu 2 de xunu, a les 10:00.

La xuez, sicasí, tornó'l pidimientu de la defensa de M. K. pa sometese a un caréu col so compatriota D. B., l'otru investigáu como autor material del crime, al valorar que ye necesario conocer la versión dafechu de los fechos que va caltener nesta segunda declaración.