Les ITV endurecen les revisiones col control de les emisiones

Calcúlase que n’Asturies menos del 3% de los coches nun pasen estes pruebes

Les ITV endurecen dende güei les revisiones col control de les emisiones. L’análisis taba faciéndose en pruebes dende mayu pero agora los turismos de 2011 p'alantre podrán ser refugaos si nun pasen la prueba electrónica complementaria a la de fumu que se facía hasta anguaño.

Itvsa calcula que menos del 3% de los vehículos nun pasen esta midición. Son pocos porque n’Asturies la media del parque móvil ye de 12 años y nun hai muchos turismos de nueva xeneración.

Nun futuru estes midiciones electróniques, agora pioneres, podrán utilizase tamién pa comprobar que tean bien otros sistemes como l’ABS o airbag.