Les acusaciones particulares nun valoran l'informe pericial del casu Hulla

A la espera de que la xueza afite una fecha pa que les partes conozan tola documentación

L’informe pericial que pon fin a la instrucción del casu Hulla, inxerta una valoración d’otros dos qu’analizaron la fechura de la obra y la calidá de los materiales. Da validez dafechu a los análisis d’esos dos informes.

El primeru, encargáu polos fiscales en 2016, fala d’un 51% de sobrecostu na fechura, y l’otru, valoró en dos millones los estrozos de la obra y sirvió al Montepíu pa demandar al constructor.

Les acusaciones particulares nun quixeron valorar el documentu espardíu ayeri por TPA Noticies y queden a la espera de que la xueza afite una fecha pa que les partes conozan tola documentación.