Les amigues de Carragal nieguen qu'amenazare al so presuntu agresor

Una de les testigos dixo que los mozos taben "mui pesaos"

Les dos amigues qu'acompañaben al profesor pixuetu David Carragal na madrugada del 11 de xunu de 2019 cuando recibió la patada que-y causó mancadures cerebrales que derivaron na so muerte, negaron que la víctima amenazare al acusáu.

L’Audiencia Provincial d’Uviéu celebró güei la tercer sesión del xuiciu escontra l’acusáu Jorge C.C., pal que la Fiscalía solicita once años de cárcel por un delitu d’homicidiu; l’abogáu de l’acusación particular, Ángel Luis Bernal, una pena de 16 años por un delitu d’asesinatu y l’abogáu defensor, Gabriel Cueto, la llibre absolución.

Los otros dos acusaos, Ramón B. y Antonio S., afronten pidimientos de multa de l’acusación particular por delitos d’omisión del deber de socorru.