Les axudicaciones de Salvamentu Marítimu van dar carga de trabayu a Armón hasta 2026

Delia Losa empondera la capacidá técnica y competitiva d'unu de los principales astilleros d'Europa

L'últimu contratu de 11 millones d'euros pa construyir cuatro lanches de Salvamentu Marítimu garantiza carga de trabayu n'Armón pa, polo menos, dos años.

Asina lo avanzó esta mañana'l conseyeru del grupu, Laudelino Alperi, nel alcuentru que caltuvo nes instalaciones del astilleru en Navia cola delegada de Gobiernu.

Delia Losa emponderó la capacidá técnica, competitiva y de trabayu d'Armón. Tou un referente, dixo, de la industria naval asturiana y unu de los principales Astilleros d'Europa.