Les consultes de la Oficina Municipal d'Información a Inmigrantes medren un 25%

Xixón quier impulsar la OMII p'ayudar al inxerimientu llaboral de los inmigrantes

Unes 3.800 persones solicitaron en 2023 información na Oficina Municipal d’Información a Inmigrantes del Ayuntamientu de Xixón, un 25% más qu’en 2022.

La población con orixe n’otros países medró en 2023 en Xixón en 2.156 persones, compensando la pérdida de población nacional. La colonia más numberosa ye la rumana con más de 3.000 persones, siguida bien de cerca pola comunidá colombiana, que duplicó’l so númberu dende 2021.

Mayerly Guarnizo tien dende va seis años un centru d’estética nel barriu de L’Arena. Al mesmu ritmu que la medría de la colonia, los negocios d’inmigrantes colombianos tán medrando na ciudá.

En 2023 unes 3.800 persones averáronse a la Oficina Municipal d’Información a Inmigrantes del Ayuntamientu de Xixón, esplica Guzmán Pendás, conceyal de Participación, Mercaos, Consumu y Cooperación del Ayuntamientu de Xixón. Dende la OMII asesórase y ayúdase a los inmigrantes p’algamar inxerise al mercáu llaboral.

L’Ayuntamientu de Xixón quier agora medrar l’horariu d’atención y l’espardimientu de los servicios de la Oficina Municipal d’Información a Inmigrantes.