Les escavaciones en La Estaca dexen dellos descubrimientos qu'ayuden a construyir la hestoria de la villa romana

Los trabayos nel xacimientu de Les Regueres van rematar esta selmana​

El Director xeneral de Patrimoniu del Principáu d'Asturies visitó les escavaciones del xacimientu de La Estaca, en Les Regueres, pa conocer los últimos afayos, enantes de que los arqueólogos recueyan hasta l'añu que vien. Esti branu afayaron un fornu que sirvía p'alimentar la calefacción de la Villa romana, de 900 metros cuadraos de planta. Un fornu que, amás, paez que se siguió usando tres la cayida del Imperiu Romanu

Últimos esfuerzos p'afayar muertes del pasáu en La Estaca. La campaña llega al so fin con dellos descubrimientos. Oxetos y estructures qu'ayuden a construyir la hestoria de la villa romana de Les Regueres.

Los pequeños oxetos, como forquetes o espátules de maquillaxe amuesen que dalguna de les estancies yera d'una muyer, con un poder alquisitivu altu.

Los trabayos van rematar esta selmana, tres escaniar de nuevo'l terrén, coles mires d'entamar la siguiente campaña nuna zona que siga apurriendo valor a esti llugar.