Les escavaciones nel xacimientu romanu de La Estaca empiecen a dar los sos frutos

Los arqueólogos consiguieron sacar a la lluz resclavos d'un cuartu d'una antigua vivienda

Atopáronse los restos d'un asentamientu del sieglu III. Les muries d'un antigua construcción romana tuvieron sieglos escondíos so la tierra. Agora salieron a la lluz gracies al trabayu d'un equipu formáu por una ventena d'arqueólogos, restauradores y xeólogos nel xacimientu romanu de La Estaca.

Les escavaciones empezaron va diez díes y dexaron afayar fragmentos del suelu d'un cuartu y resclavos de lo que paez foi'l sistema de calefacción de la vivienda.

Un sistema que sedría tapáu con tierra ente lo que podríen atopar cerámica o otros elementos.

Una vez afayaos, l'equipu va restaurar los resclavos atopaos y va aplicar técniques pa que puean caltenese nel tiempu.

Los trabayos na finca El Pedregalón van siguir hasta'l 7 de setiembre y van necesitar nuevos sondeos na zona na que taba la calzada que conectaba la villa. El so trazáu pudo sirvir de base pa una construcción posterior.