Les esportaciones asturianes de cosmética duplíquense y lleguen a los 11 millones d'euros

Delles empreses asturianes participaron nuna de les feries más importantes del sector cosméticu celebrada en París

L’añu pasáu, les esportaciones asturianes de cosméticos y perfumería algamaron los 11,2 millones d’euros, lo que supunxo cuasi duplicar les ventes de 2022. Delles empreses asturianes participaron Va unos díes nuna de les feries más importantes del sector celebrada en París. Precisamente les ventes de cosméticos asturianos nel mercáu francés superaron el millón d’euros. Ye un destín en medría pa les firmes españoles en xeneral, que destaquen pola so innovación en productos orgánicos y veganos.

Dende so casa y per internet, Patricia Paredes comercializa la so propia marca de cosmética natural. Con una producción artesanal, que nun supera’l centenar d’unidaes por lote, el 40% del so mercáu ta nel estranxeru, dende Alemaña hasta Hong Kong asegura Paredes, fundadora d’Elle est belle Beauty.

La de so ye una de les firmes asturianes que participó, baxo’l paragües d’Asturex, na última feria del sector cosméticu en París.

Con estand de so nel eventu parisín, l’asturiana Nanovex lleva una década desendolcando una tecnoloxía qu’usa la crema de les marques más conocíes de la industria cosmética apunta Daniel Pando, director de Nanovex.

Nanovex vende en 25 países d’América, Europa y Asia. La esportación yá representa más de la metá de la so facturación añal y piensen qu’algamará’l 90% nos años vinientes.