Les inmobiliaries asturianes detecten escasez d'ufierta de viviendes accesibles

Ente los principales defectos tán la falta d'ascensores y aisllamientu

Un estudiu fechu pola Unión d'Inmobiliaries d'Asturies indica la escasez de viviendes accesibles pa persones mayores o con movilidá amenorgada na comunidá, pese a tener una de les poblaciones más avieyaes del país.

Ente los principales defectos nos inmuebles tán la falta d'ascensores, la falta d'aislamientu térmicu, ausencia de ramples y l'espaciu amenorgáu en munches d'estes viviendes usaes.

Dos de cada cinco axencies inmobiliaries notaron un aumentu na demanda de viviendes eficientes enerxéticamente, polo que dende la Unión d'Inmobiliaries afiten la importancia d'ayudes que dexen recuperar, reformar y adaptar inmuebles construyíos nos años 70 y 80 pa medrar l'inventariu de viviendes pa usu habitual.