Les investigaciones arqueolóxiques mediante teledetección dan cada vegada mayores resultaos

El grupu RomanArmy yá alcontró 11 campamentos romanos

Les investigaciones arqueolóxiques mediante teledetección, ensin escavación, dan cada vegada mayores resultaos. N’Asturies, nos dos últimos años dexaron alcontrar tres castros: en Somiedu, Llanera y Sotu’l Barcu. Tamién campamentos romanos.

Falamos con un investigador del grupu RomanArmy, de los primeros n’usar esta técnica, y especializaos n’arqueoloxía militar romana. Yá atoparon 11 campamentos.

Sedría mui difícil afitar güelgues del campamentu romanu qu’ocupó va 2.000 años esti tarrén, el Chao de Berducedo, n’Allande. Fízolo en 2015 el grupu d’investigación del allandés Andrés Menéndez, al traviés de la teledetección. Yá ta inxertu nel inventariu arqueolóxicu asturianu.

Foi con tecnoloxía Lidar, procesando datos del Institutu Xeográficu Nacional, y visualizándolos en mapes en 3D.

Nel cercanu castru de Castello, con semeyes aérees yá esistentes, y otres qu’algamaron con dron, identificaron fosos defensivos.

La investigación arqueolóxica, señala, yá nun s’entiende ensin técniques de teledetección pa ser asina lo más rigurosos y precisos posible.

Técniques, apunta, aplicables a cualquier elementu arqueolóxicu.