Les obres de rehabilitación de la Obra Sindical de Contrueces sufren un nuevu retrasu

L'equipu de gobiernu aspira a axudicar les obres na seronda pa nun perder el financiamientu européu

Les obres de rehabilitación de la Obra Sindical de Contrueces sufren un nuevu retrasu. La llicitación de los trabayos volvió quedar erma al nun recibir ufiertes de nenguna empresa. L'equipu de gobiernu asume que va ser necesario sumar 800.000 euros más al contratu. L'equipu redactor va presentar en diez díes el proyectu actualizáu cola previsión de que les obres puean llicitase na seronda. Aseguraríense asina cumplir los plazos y optar a recibir financiamientu européu apunta Gilberto Villoria, conceyal d'Infraestructures Urbanes y Rurales de Xixón.

Los vecinos caltuvieron esti miércoles una xunta cola alcaldesa, a quien tresmitieron la so esmolición por unes obres que lleven diez años esperando señala Andrés Cabanas, representante de los vecinos de la Obra Sindical de Contrueces.

El PSOE acusa al equipu de gobiernu de xugar colos vecinos y antemana que'l retrasu va pa llargo asegura Constantino Vaquero, conceyal del PSOE nel Conceyu de Xixón.

La Obra Sindical de Contrueces foi declarada barriu degradáu en 2015. La primer fase inclúi la rehabilitación dafechu de seis de los 17 bloques que formen el conxuntu residencial.