Llaviana tuvo siete alcaldes, toos socialistes

La Casa del Pueblu de Llaviana lleva'l nome de Pablo García Fernández

La Casa del Pueblu de Llaviana lleva'l nome de Pablo García Fernández, escoyíu primer alcalde de Llaviana en democracia'l 9 abril de 1979. Zapateru, de Los Barreros, referente pa tolos sos sucesores, respondía con un "vamos meter la pata pero nunca la mano", cuando-y proponíen nun pagar ciertos servicios pola so condición de rexidor.

Socediólu nel sillón municipal Arturo Carrio, alcalde nes dos llexislatures de 1983 y 1987. Impulsor de la Mancomunidá del Nalón, morrió en 2007, pero siempres tuvo na memoria de los sos vecinos, que punxeron el so nome a una prueba ciclista.

Tres el llegó Ovidio Martínez en 1991 y dempués Juan Ramón Zapico, que formó'l primer pactu de Gobiernu con IX.

Marcia Barreñada convirtióse n'alcalde en xunu de 2003, en plenu boom urbanísticu redactando'l Primer Plan Xeneral d'Ordenación Urbana del valle, anque'l so gran arguyu, cunta, ye intentar ser un alcalde cercanu.

Adrián Barbón convirtióse en 2008 nel alcalde más mozu d'Asturies. Alcaldía que revalidó nueve años, el mandatu más duraderu en Llaviana hasta l'actualidá y nel que tocó tratar cola gran crisis de la construcción.

Con Julio García'l PSOE recupera la mayoría absoluta nos comicios de 2019 y sigue nel sillón de mandu con un lema: "arriesgar".

Son siete los alcaldes, toos socialistes, en 41 años de democracia nel Conceyu de Llaviana.